Open API پلاتفورماسى مەن بانكارالىق ءموبيلدى تولەم جۇيەسى تسيفرلىق تولەم ەكوجۇيەسىنىڭ وزەگىن قالىپتاستىرادى. ول سونداي-اق تەلەفون ءنومىرى بويىنشا اۋدارىمداردى جانە تسيفرلىق تەڭگەنى قولداۋدى قامتيدى. بۇل پايدالانۋشىلارعا ساتىپ الۋلارعا اقى تولەۋگە جانە بانكتەر اراسىندا اقشانى جىلدام ءارى ىڭعايلى اۋدارۋعا مۇمكىندىك بەرەدى - شوت قاي بانكتە اشىلعانىنا قاراماستان, QR-كودتى سكانەرلەۋ ارقىلى پايدالانا بەرەدى. بانكارالىق QR-كودتى ەنگىزۋ شاعىن جانە ورتا بيزنەس ءۇشىن پروتسەستى ايتارلىقتاي جەڭىلدەتەدى: ەندى ساتۋشىلارعا ءتۇرلى بانكتەر ءۇشىن بىرنەشە تەرمينال قاجەت بولمايدى. بۇدان باسقا, بۇل بانكتەردىڭ تولەمدەردى وڭدەۋگە ارنالعان شىعىندارىن ازايتادى جانە پايدالانۋشىلارعا بىرىڭعاي جانە ىڭعايلى شەشىم ۇسىنا وتىرىپ, بانكارالىق ءوزارا ءىس-قيمىلدى جەڭىلدەتەدى.
2025 جىلعا دەيىن ەلىمىزدىڭ بارلىق بانكى بىرىڭعاي QR-كود تولەم جۇيەسىنە كوشەتىنى, ول كەزدە ون شاقتى POS-تەرمينال ۇستاپ, ءار تەرمينالدى جەكە-جەكە پايدالانۋ قاجەتتىلىگى جويىلاتىنى وسىعان دەيىن تالاي رەت ايتىلعان.
جايلى باستاما جاقسى جاڭالىق بولعانىمەن, دايىندىعى ءبىرشاما ۋاقىتقا دەيىن, جايلى باستاما جاقسى جاڭالىق بولعانىمەن, دايىندىعى ءبىرشاما ۋاقىتقا سوزىلدى.
2025 جىلى مامىردا:
- ءتورت بانك - ونەركاسىپتىك پايدالانۋدا (ياعني قازىردىڭ وزىندە پايدالانۋدا);
- ءتورت بانك - تەستىلەۋدەن وتەدى;
- بەس بانك - ينتەگراتسيانى پىسىقتايدى.
بانكتەر جانە بانك قىزمەتى تۋرالى جاڭا زاڭ شەڭبەرىندە بارلىق بانكتەردى وسى جۇيەگە مىندەتتى تۇردە قوسۋ بەكىتىلەتىن بولادى. Open API پلاتفورماسى مەن بانكارالىق ءموبيلدى تولەم جۇيەسى تسيفرلىق تولەم ەكوجۇيەسىنىڭ وزەگىن قالىپتاستىرادى. ول سونداي-اق تەلەفون ءنومىرى بويىنشا اۋدارىمداردى جانە تسيفرلىق تەڭگەنى قولداۋدى قامتيدى.
ەندى بارلىق بانكتەر ءۇشىن بىرىڭعاي QR كود بولادى
بانكارالىق QR-كودتى ەنگىزگەننەن كەيىن كاسىپكەرلەر ءارتۇرلى بانكتەردىڭ تەرمينالدارىن ورناتىپ جۇرمەيدى. وسىلايشا تەرمينالدارعا كەتەتىن اقشانى ۇنەمدەيدى. ال قاراپايىم حالىق بىرىڭعاي QR-كودپەن ەلدەگى كەز كەلگەن بانكتىڭ تەرمينالى ارقىلى تولەم جاساي الادى, ال ەكىنشى دەڭگەيلى بانكتەر بانكارالىق ترانزاكتسيالاردى وڭدەۋ قۇنىن تومەندەتۋ ەسەبىنەن شىعىندارىن وڭتايلاندىرىپ, كليەنتتەر ءۇشىن تولەم قىزمەتتەرىن كەڭەيتۋگە مۇمكىندىك الادى.
- ۇلتتىق بانك بانكتەر تۋرالى جاڭا زاڭ اياسىندا بارلىق بانكتەردى وسى ەكوجۇيەگە مىندەتتى تۇردە قوسۋدى كوزدەيتىن زاڭنامالىق تۇزەتۋلەرگە باستاماشىلىق جاسادى. ياعني, كەلەسى جىلدىڭ باسىنان باستاپ جۇيەگە قاتىسۋ جانە تولەمدەردى قابىلداۋ, اۋدارىمداردى جىبەرۋ مىندەتتەمەسى قازاقستانداعى ءاربىر بانكتە بولادى دەپ ەسەپتەيمىز, - دەدى ول.
ونىڭ ايتۋىنشا, QR بويىنشا بانكارالىق تولەمدەردى ەكىنشى دەڭگەيلى بانكتەرمەن بىرگە 2025 جىلدىڭ تامىزىندا ىسكە قوسۋ جوسپارلانعان.
جۇيەنىڭ كومەگىمەن ساتىپ الۋشىنىڭ قاي بانكتە قىزمەت كورسەتىلەتىنىنە قاراماستان كودتى پايدالانا وتىرىپ, تولەۋگە بولادى.
تەحنولوگيانى ازىرلەۋ بىرنەشە جىلعا سوزىلدى
ونى ەنگىزۋ تەحنيكالىق قيىندىققا بايلانىستى بىرنەشە رەت كەيىنگە قالدىرىلدى. ۇلتتىق بانك باسشىسى تيمۋر سۇلەيمەنوۆ جۇيەنىڭ 2024 جىلدىڭ سوڭىنا دەيىن ىسكە قوسىلاتىنىن مالىمدەدى. ول بارلىق بانكتەردىڭ قاتىسۋى «مىندەتتى ماسەلە» ەكەنىن اتاپ ءوتتى. 2022 جىلى جوبانى ازىرلەۋ تۋرالى ساۋدا جانە ينتەگراتسيا ەكس-ۆيتسە-ءمينيسترى اسەل جاناسوۆا ايتقان بولاتىن.
قازىرگى ۋاقىتتا قازاقستاندا QR-كود بويىنشا تولەمدەردى 10 بانك قولدايدى: Halyk Bank, Jusan Bank, Kaspi.kz, Altyn Bank, Freedom Bank, Eurasian Bank, Home Credit Bank, تسەنتركرەديت بانكى جانە ForteBank. قالعاندارى وسى فۋنكتسيانى ەنگىزۋدىڭ ءارتۇرلى ساتىلارىندا. QR ارقىلى تولەۋ بويىنشا كوشباسشىلار Kaspi.kz جانە Halyk Bank بولىپ تابىلادى
